کے ٹی آر کی بی آر ایس کے جی ایچ ایم سی کارپوریٹرس کے ساتھ اہم میٹنگ، کونسل کے اجلاس کے لیے حکمت عملی طئے

حیدرآباد: بی آر ایس پارٹی کے ورکنگ صدر کے ٹی راما راؤ (کے ٹی آر) نے آج تلنگانہ بھون میں بی آر ایس پارٹی کے جی ایچ ایم سی کارپوریٹروں کے ساتھ ایک اہم اجلاس منعقد کیا۔ اس میٹنگ میں سابق وزراء، ایم ایل ایز، ایم ایل سیز اور جی ایچ ایم سی حدود سے تعلق رکھنے والے عوامی نمائندے بھی شریک ہوئے۔ ان میں تلاسانی سرینواس یادو اور سبیتا اندرا ریڈی بھی شامل تھے۔

کے ٹی آر نے کل ہونے والے جی ایچ ایم سی کونسل میٹنگ میں کارپوریٹروں کو اختیار کرنی والی حکمتِ عملی کے بارے میں واضح ہدایات دیں۔ انہوں نے اس موقع پر کارپوریٹروں کی خدمات اور ان کے گزشتہ برسوں کے کام کو سراہا۔

کے ٹی آر نے کہا کہ پارٹی مسلسل دس برس تک اقتدار میں رہتے ہوئے بغیر کسی کرپشن کے بہترین طریقے سے اپنا دورِ حکومت مکمل کرنے جا رہی ہے، اور اس میں کارپوریٹروں کا بھی بڑا کردار رہا ہے۔ انہوں نے خاص طور پر کووڈ کے مشکل دور میں کارپوریٹروں کی جانب سے عوام کی خدمت کو قابلِ تعریف قرار دیا۔

انہوں نے اس بات کا بھی ذکر کیا کہ ریاست میں پارٹی اپوزیشن میں آنے کے بعد بھی حیدرآباد کے کارپوریٹروں نے عوامی مسائل پر مسلسل آواز اٹھائی اور جدوجہد جاری رکھی۔ کے ٹی آر نے جوبلی ہلز کے حالیہ ضمنی انتخاب میں کارپوریٹروں کی ذمہ دارانہ کارروائی کی ستائش بھی کی۔

کے ٹی آر نے اس موقع پر کارپوریٹروں کو یقین دلایا کہ جو کارکن اور نمائندے پارٹی کے ساتھ مضبوطی سے کھڑے ہیں، انہیں مستقبل میں مزید مواقع اور عہدے دیے جائیں گے۔ انہوں نے کہا کہ آنے والے انتخابات کو سب اپنی ہی انتخابی مہم سمجھ کر پوری لگن سے کام کریں، اور یقین دلایا کہ پارٹی دوبارہ مضبوط جیت درج کرے گی۔

انہوں نے مزید کہا کہ مستقبل میں خواتین کی ریزرویشن اور حلقہ بندیوں کی نئی تقسیم کے ساتھ کارپوریٹروں کے لیے بہتر سیاسی مواقع پیدا ہوں گے، اور ان کا مستقبل مضبوط رہے گا۔

تلنگانہ بھون میں منعقدہ یہ میٹنگ شہری سیاست میں بی آر ایس کی حکمت عملی کے لیے اہم سمجھی جا رہی ہے، جس میں کے ٹی آر نے واضح کیا کہ جی ایچ ایم سی کارپوریٹر ہی شہر کے مسائل کے حل اور عوامی نمائندگی میں مرکزی کردار ادا کرتے ہیں۔