حیدرآباد عثمان ساگر اور حمایت ساگر کی سطح میں اضافہ

حیدرآباد: حیدرآباد کے اہم ذخایرآب عثمان ساگر اور حمایت ساگر کی سطح میں اضافہ درج کیاگیا ہے۔

عثمان ساگر کے آبگیرعلاقوں بشمول چیوڑلہ، وقارآباد، شنکر پلی، مومن پلی میں ہوئی شدید بارش کے بعد ہفتہ کی صبح سے عثمان ساگر اور حمایت ساگر میں پانی کی آمد شروع ہو گئی ہے۔

اسی طرح حمایت ساگر میں بھی بالائی علاقوں جیسے چیوڑلہ، انداپور ، نارکوڈا، تانڈور اور موئن آباد سے پانی پہنچ رہا ہے۔

حیدرآباد میٹرو پولیٹن واٹر سپلائی اینڈ سیوریج بورڈ کے عہدیدارصورتِ حال پر گہری نظر رکھے ہوئے ہیں تاکہ قریبی آبادیوں کی سلامتی کو یقینی بنایا جا سکے۔

واٹر بورڈ کے حکام نے اطراف کے علاقوں کے مکینوں کو مشورہ دیا ہے کہ وہ سرکاری اطلاعات اور ممکنہ انتباہات پر دھیان دیں۔ کسی بھی ہنگامی صورت حال سے نمٹنے کے لیے ایمرجنسی سروسز کو تیار حالت میں رکھا گیا ہے۔

ادھر واٹر بورڈ نے 19 جولائی کی صبح 6 بجے تک دونوں ذخائر میں موجود پانی کی سطح سے متعلق تفصیلات جاری کی ہیں:

عثمان ساگر:
مکمل سطح ذخیرہ : 1790.00 فٹ (3.900 ٹی ایم سی)
موجودہ سطح: 1782.50 فٹ (2.440 ٹی ایم سی)
پانی کی آمد: 1250 کیوسک
پانی کا اخراج: ندارد

حمایت ساگر:
مکمل سطح ذخیرہ : 1763.50 فٹ (2.970 ٹی ایم سی)
موجودہ سطح: 1758.80 فٹ (2.114 ٹی ایم سی)
پانی کی آمد: 1600 کیوسک