لوک سبھا انتخابات: صرف ایک مسلم امیدوار

حیدرآباد: لوک سبھا انتخابات کے لئے بھارتیہ جنتا پارٹی کی 195 امیدواروں پر مشتمل پہلی فہرست میں صرف ایک ہی امیدوار مسلمان ہیں۔

سابق وائس چانسلر کالی کٹ یونیورسٹی عبدالسلام کیرالا کے ملپّورم سے بی جے پی کے ٹکٹ پر مقابلہ کریں گے۔وہ 2011 تا 2015 کالی کٹ یونیورسٹی کے وائس چانسلر تھے۔

عبدالسلام ترور‘ کیرالا سے تعلق رکھتے ہیں۔انہوں نے 2019 ء میں بی جے پی میں شمولیت اختیار کی تھی۔

انہوں نے2021 ء کے کیرالا اسمبلی انتخابات میں نیمم حلقہ سے مقابلہ کیا تھا۔

مالابار ضلع کی ملپورم پارلیمانی نشست ایک مسلم غلبہ والی نشست ہے جس پر 1957 سے اب تک ماسوائے 2004-09 مدت میں انڈین مسلم یونین کا قبضہ رہا ہے۔