مشرق وسطیٰ

اسرائیل، لبنان و شام کو غیر مستحکم کر رہا ہے:عرب لیگ

سکریٹری جنرل عرب لیگ احمد ابوالغیث نے کہا ہے کہ اسرائیل عسکری اشتعال انگیز ی سے لبنان اور شام کو غیر مستحکم کر رہا ہے۔

جدہ:سکریٹری جنرل عرب لیگ احمد ابوالغیث نے کہا ہے کہ اسرائیل عسکری اشتعال انگیز ی سے لبنان اور شام کو غیر مستحکم کر رہا ہے۔

بین الاقوامی میڈیا کے مطابق عرب لیگ کے سکریٹری جنرل احمد ابوالغیث نے کہا ہے کہ اسرائیل کی فلسطینی سر زمین، لبنان اور شام پر مسلط کی گئی جنگ نئے دور میں داخل ہو چکی ہے۔

انہوں نے کہا ہے کہ اسرائیل دستخط شدہ معاہدوں کی جان بوجھ کر خلاف ورزی کر رہا ہے، ملکوں پر قبضے کیے جا رہے ہیں اور مزید شہریوں کو شہید کیا جا رہا ہے۔

سکریٹری جنرل نے یہ بھی کہا ہے کہ اسرائیل اپنے داخلی ایجنڈے کی تکمیل کے لیے شہریوں کی زندگیاں اور علاقائی امن خطرے میں ڈال رہا ہے۔

Photo Source: @RTEUrdu