تلنگانہ بھر میں کئی مقامات پر اقل ترین درجہ حرارت میں گراوٹ

حیدرآباد: تلنگانہ کے ہنمکنڈہ میں درجہ حرارت میں گراوٹ ہوگئی ہے۔یہاں پر اقل ترین درجہ حرارت 6.2 ڈگری سلسلہ درج کیاگیا۔

دن کے درجہ حرارت میں بھی گراوٹ کی اطلاع ملی ہے۔ریاست بھر میں کئی مقامات پر اقل ترین درجہ حرارت میں گراوٹ ہوگئی ہے۔

محکمہ موسمیات کے حکام کا کہنا ہے کہ موسم میں تبدیلی آئی ہے کیونکہ شمال سے ہوائیں ریاست کی طرف چل رہی ہیں۔ حیدرآباد میں درجہ حرارت معمول سے 1.7 ڈگری کم ہوگیا۔

عادل آباد، کریم نگر اور کھمم میں بھی درجہ حرارت میں معمولی کمی دیکھی گئی۔ دوسری جانب بعض علاقوں میں دن کے وقت موسم گرم اور رات کو سرد ہورہا ہے۔

منگل کو کھمم ضلع میں دن کا درجہ حرارت 35.6 ڈگری ریکارڈ کیا گیا جو کہ معمول سے 3.8 ڈگری زیادہ ہے۔