مرزا رحمت بیگ‘ مجلس کے ایم ایل سی امیدوار

حیدرآباد: کل ہند مجلس اتحاد المسلمین نے آئندہ قانون ساز کونسل کے انتخابات کے لیے مرزا رحمت بیگ کو اپنا امیدوار بنانے کا اعلان کیا۔ مجلس کے صدر اسد الدین اویسی نے آج ٹوئٹر پر یہ اعلان کیا۔

اپنے ٹوئٹ میں انہوں نے کہا کہ یہ اعلان کرتے ہوئے مسرت ہورہی ہے کہ مرزا رحمت بیگ مجلس کے ایم ایل سی امیدوار ہوں گے۔ میں سبکدوش ہونے والے ایم ایل سی سید امین الحسن جعفری صاحب سے مجلس کی قابل قدر خدمات کے لیے اظہار تشکر کرتا ہوں۔

 انشاء اللہ مستقبل میں بھی ہم ان کے تجربہ اور دانش سے استفادہ کرتے رہیں گے۔“رحمت بیگ ایک عرصہ سے مجلس سے وابستہ ہیں۔ ماضی میں راجندر نگر اسمبلی حلقہ سے وہ ناکام مقابلہ کرچکے ہیں۔ وہ گوشہ محل حلقہ کے انچارج بھی رہے۔