بندر کی دہشت، 51 ہزار روپے انعام کا اعلان، پکڑے جانے پر مشتعل ہجوم نے کی پٹائی

پلول۔ سوشل میڈیا پر ایک بندر کو تھپڑ مارتے ہوئے لے جانے کی ویڈیو تیزی سے وائرل ہو رہی ہے۔ بعض افراد اس اے آئی سے تیار کردہ قرار دے رہے تھے جبکہ کئی لوگوں نے بے زبان جانور کے ساتھ ہونے والی مبینہ بدسلوکی پر سوال اٹھائے۔ تاہم رپورٹ کے مطابق یہ ویڈیو ہریانہ کے ضلع پلول کے ہتھین گاؤں کی ہے، جہاں ایک بندر نے گزشتہ کئی دنوں سے دہشت مچا رکھی تھی۔

30 سے زائد افراد کو کاٹ کر کیا زخمی

اطلاعات کے مطابق اس بندر نے 30 سے زائد افراد کو کاٹ کر زخمی کر دیا تھا۔ بندر کی مسلسل شرارتوں اور حملوں سے پریشان ہو کر میونسپل چیرمین کے نمائندے سمیت راجپوت نے اسے پکڑنے کے لیے اپنی جانب سے 51 ہزار روپے انعام دینے کا اعلان کیا تھا۔ اس اعلان کے بعد کئی افراد لاٹھیاں لے کر بندر کو پکڑنے نکل پڑے۔

کافی جدوجہد کے بعد جب بندر لوگوں کے ہاتھ آیا تو مشتعل افراد نے اسے تھپڑ مارے اور پیٹتے ہوئے وہاں سے لے گئے۔ اس واقعے کی ویڈیو منظر عام پر آنے کے بعد سوشل میڈیا پر جانوروں کے ساتھ اس طرح کے سلوک پر بحث شروع ہوگئی ہے۔

رات بھر لاٹھیاں لے کر پہرہ دینے پر مجبور تھے لوگ

رپورٹ میں بتایا گیا کہ ہتھین شہر میں تقریباً 500 بندر موجود ہیں۔ ان کی وجہ سے مقامی باشندے کافی پریشان تھے۔ بندروں کے خوف سے بچوں کا باہر کھیلنا اور بزرگوں کا گھروں سے نکلنا مشکل ہوگیا تھا۔ بعض افراد رات بھر جاگ کر اپنی گلیوں میں لاٹھیوں کے ساتھ پہرہ دینے پر مجبور تھے۔

میونسپلٹی کے سکریٹری دیویندر کے مطابق نئی ٹنڈر کارروائی مکمل ہونے تک پرانی ایجنسی کی مدد سے ان بندروں کو پکڑنے کی کوشش کی جا رہی ہے جو لوگوں کو کاٹ کر زخمی کر رہے ہیں، تاکہ عوام کو اس پریشانی سے کچھ راحت مل سکے۔

دریں اثنا، ایک دوسرے وائرل ویڈیو میں بندر کو پکڑنے کی کوشش کے دوران کئی نوجوان چھتوں اور سیڑھیوں سے نیچے گرتے ہوئے دکھائی دے رہے ہیں۔ تاہم، اطلاعات کے مطابق اس واقعے میں کسی کو شدید چوٹ نہیں آئی۔