حیدرآباد اور اس کے اطراف کے اضلاع میں مانسون نے دوبارہ دستک دی

حیدرآباد: تقریباً ایک ماہ کے وقفہ کے بعد حیدرآباد اور اس کے اطراف کے اضلاع میں مانسون نے دوبارہ دستک دی ہے۔ پیر کی رات شہر میں اوسط بارش ریکارڈ کی گئی جس سے موسم خوشگوار ہو گیا۔

حیدرآباد میں سب سے زیادہ بارش بی ایچ ای ایل فیکٹری، رام چندرا پورم (27.3 ملی میٹر)، ٹولی چوکی، کاروان (26.4 ملی میٹر)، مشیرآباد ایم سی ایچ بلڈنگ (24.8 ملی میٹر)، قُطب اللہ پور کے مہادیو پورہ، گاجولارامارم (25.5 ملی میٹر) اور جوبلی ہلز، شیخ پیٹ (24.5 ملی میٹر) میں ریکارڈ کی گئی۔

ضلع سدی پیٹ کے ورگل میں سب سے زیادہ 63.3 ملی میٹر بارش ہوئی، اس کے بعد منچریال ضلع کے ڈنڈے پلی میں 61.5 ملی میٹر بارش ریکارڈ کی گئی۔

سنگاریڈی کے گمماڈی ڈالا منڈل میں 58.8 ملی میٹر، میڑچل-ملکا جگری کے بندمادھرم میں 56.3 ملی میٹر، ضلع میدک کے توپران منڈل کے اسلام پور علاقہ میں 51.3 ملی میٹر اور ضلع سنگاریڈی کے اندول میں 51 ملی میٹر جبکہ سوریا پیٹ کے تنگاترتی منڈل میں 50 ملی میٹر بارش درج ہوئی۔