محترمہ مُنیر بانو کو تلنگانہ بیسٹ ٹیچر ایوارڈ

حیدرآباد: پروفیسر امرت راؤ ایجوکیشن سوسائٹی نے محترمہ منیر بانو، معلمہ گورنمنٹ پرائمری اسکول نواب صاحب کنٹہ 1، بہادرپورہ منڈل، زوجہ جناب سید ضمیر کو تلنگانہ بیسٹ ٹیچر ایوارڈ عطا کیا۔ یہ ایوارڈ نواب رونق یار جنگ نے ڈاکٹر امبیڈکر یونیورسٹی میں منعقدہ پُرشکوہ تقریب میں پیش کیا۔

محترمہ منیر بانو، جناب محمد قاسم علی مرحوم کی دختر ہیں۔ ان کا پہلا تقرر 12 جون 2002ء میں جی پی ایس اچی ریڈی نگر 1 (بہادرپورہ 2) پر عمل میں آیا تھا۔ انہوں نے جی پی ایس واسوی نگر پر بھی نمایاں خدمات انجام دیں۔

ایوارڈ ملنے پر صدر معلمہ محترمہ معراج سلطانہ، اسکولی اسٹاف، ڈپٹی آئی او ایس اور اساتذہ برادری نے انہیں پُرخلوص مبارکباد دی۔