بنگلہ دیش میں قتل کا مقدمہ، شکیب الحسن وطن واپس نہیں آئیں گے؟

ڈھاکہ: بنگلہ دیش میں قتل کے مقدمے کا سامنا کرنے والے اسٹار کرکٹر اور عوامی لیگ کے سابق رکن اسمبلی شکیب الحسن پاکستان کے خلاف ٹیسٹ سیریز جیتنے کے بعد دیگر کھلاڑیوں کے ہمراہ وطن واپس نہیں جا رہے۔

پاکستان کے خلاف ٹیسٹ سیریز میں کامیابی کے بعد بنگلہ دیشی ٹیم کی وطن واپسی کے لیے کراچی ائیرپورٹ پہنچ گئی ہے، بنگلہ دیشی کھلاڑی اور آفیشلز رات گئے اسلام آباد سے کراچی پہنچے تھے جہاں انہوں نے رات کو کراچی کے ہوٹل میں قیام کیا۔

بنگلہ دیش کرکٹ ٹیم اور آفیشلز دو مختلف پروازوں سے وطن واپس جا رہے ہیں، بنگلہ دیشی کرکٹ ٹیم کراچی سے دبئی اور دوح کے راستے بنگلز دیش پہنچے گی۔

تاہم ائیرپورٹ ذرائع کا بتانا ہے کہ بنگلاہ دیش کرکٹ ٹیم کے سینئر کھلاڑی شکیب الحسن وطن واپس نہیں جا رہے۔پاکستان میں موجودگی کے دوران شکیب الحسن کے خلاف 22 اگست کو ڈھاکہ میں قتل کا مقدمہ درج ہوا تھا، بنگلہ دیشی کرکٹر شکیب الحسن سابقہ حکمراں جماعت عوامی لیگ کے رکن پارلیمنٹ تھے۔

ذرائع کا بتانا ہے کہ شکیب الحسن فی الحال کراچی سے دبئی چلے گئے ہیں، شکیب الحسن رات کو ٹیم سے الگ ہو کر تنہا کراچی سے دبئی گئے۔

ائیرپورٹ ذرائع کے مطابق شکیب الحسن نے فی الحال کراچی سے دبئی کا ہی ٹکٹ حاصل کیا تھا۔شکیب الحسن حکومت مخالف مظاہروں کے دوران نوجوان کے قتل کے مقدمے میں نامزد ہیں۔ذرائع کا بتانا ہے کہ شکیب الحسن کی بنگلہ دیش واپسی کا فیصلہ عبوری حکومت کرے گی۔