مرمو، مودی اور شاہ نے بہار دیوس پر مبارکباد پیش کی

نئی دہلی: صدرجمہوریہ دروپدی مرمو، وزیر اعظم نریندر مودی اور مرکزی وزیر داخلہ امت شاہ نے آج بہار دیوس کے موقع پر ریاست کے تمام لوگوں کو مبارکباد دی ہے۔

محترمہ مرمو نے ٹویٹ کیا، "ریاست کے تمام لوگوں کو بہار دیوس پر نیک خواہشات۔ بھگوان مہاویر، بھگوان بدھ اور گرو گوبند سنگھ جی سے جڑی یہ شاندار سرزمین جمہوریت کی ماں بھی ہے۔ مجھے پختہ یقین ہے کہ بہار کے محنتی اور باصلاحیت لوگ ترقی اور خوشحالی کی نئی داستانیں لکھیں گے۔

وزیر اعظم نریندر مودی نے بہار دیوس کے موقع پر بہار کے لوگوں کو مبارکباد دی۔ انہوں نے کہا کہ بہار اپنی شاندارتاریخ اور ثقافت کے لئے مشہور ہے۔ قومی زندگی کے تمام شعبوں میں اپنا کردار ادا کرنے والے بہار کے لوگوں نے اپنی محنت اور عزم سے ایک خاص پہچان بنائی ہے۔

مسٹر شاہ نے کہا، ’’بہار دیوس پر سب کو نیک خواہشات۔ قدیم زمانے سے ہی بہار ہندوستان کی تعلیم اور پالیسیوں کا مرکز رہا ہے۔ میں ریاست کے لوگوں کی مسلسل خوشحالی کی تمنا کرتا ہوں۔