حیدرآباد میں نومولود لڑکا کچرا کنڈی میں دستیاب

حیدرآباد: چندرائن گٹہ علاقہ میں کچرا کنڈی میں نامعلوم افراد نے نومولود لڑکے کو پھینک دیا۔

پولیس ذرائع کے بموجب 4 تا 5 دن کے نومولود لڑکے کو نامعلوم افراد نے غازی ملت کالونی میں واقع کچرا کنڈی میں پھینک کر فرار ہوگئے جہاں مقامی افراد کا ہجوم دیکھا گیا۔

پولیس نے نومولود لڑکے کو اس کی بہتر دیکھ بھال کے لئے نامپلی کے نیلوفر ہاسپٹل کو منتقل کردیا۔

پولیس نومولود کو پھینکنے والوں کو سی سی ٹی وی کے ذریعہ تلاش کررہی ہے۔ پولیس نے اس سلسلہ میں مقدمہ بھی درج کرلیا ہے۔