تلنگانہ
نرمل: بیڑی پینے کے دوران پلنگ کو آگ، ضعیف شخص جھلس کرہلاک
ناگیا کے بیٹے اور بہو، جو دوسرے کمرے میں سو رہے تھے، دھواں اور بدبو محسوس ہونے پر جاگ گئے۔ انہوں نے آگ بجھانے کی کوشش کی، مگر تب تک ناگیا جھلس کر ہلاک ہوچکا تھا۔
حیدرآباد: بیڑی پینے کے دوران بستر میں آگ لگنے سے ایک ضعیف جھلس کرہلاک ہوگیا۔ یہ واقعہ تلنگانہ کے ضلع نرمل کے تھالاپیٹ گاؤں میں بدھ کی رات پیش آیا۔
پولیس کے مطابق 55 سالہ ناگیا بستر پر بیڑی پی رہا تھا تاہم سگریٹ سے اس کے لکڑی کے پلنگ میں آگ لگ گئی اور وہ موقع پر ہی ہلاک ہوگیا۔
اطلاع کے مطابق وہ نشہ کی حالت میں تھا، بیڑی سلگا کر سو گیا، اور کچھ ہی دیر میں آگ پھیل گئی۔
ناگیا کے بیٹے اور بہو، جو دوسرے کمرے میں سو رہے تھے، دھواں اور بدبو محسوس ہونے پر جاگ گئے۔ انہوں نے آگ بجھانے کی کوشش کی، مگر تب تک ناگیا جھلس کر ہلاک ہوچکا تھا۔
ضعیف شخص کی اہلیہ رانی نے پولیس میں شکایت درج کروائی۔ پولیس نے مقدمہ درج کر کے تحقیقات شروع کر دی اور لاش کو پوسٹ مارٹم کے لئے اسپتال منتقل کر دیا گیا۔
ہمیں فالو کریں
