نوئیڈا کے ایک مال میں بم رکھنے کی جھوٹی اطلاع، پولیس ٹیمیں فوری پہنچ گئے (ویڈیو)
نوئیڈا کے سیکٹر 18 میں واقع ڈی ایل ایف مال میں بم رکھنے کی دھمکی دیے جانے پر اس عمارت کا تخلیہ کرادیا گیا۔ یہ دھمکی ای میل کے ذریعہ دی گئی تھی۔
![نوئیڈا کے ایک مال میں بم رکھنے کی جھوٹی اطلاع، پولیس ٹیمیں فوری پہنچ گئے (ویڈیو)](https://urdu.munsifdaily.com/wp-content/uploads/2024/08/DLF-Noida.jpg)
نوئیڈا: نوئیڈا کے سیکٹر 18 میں واقع ڈی ایل ایف مال میں بم رکھنے کی دھمکی دیے جانے پر اس عمارت کا تخلیہ کرادیا گیا۔ یہ دھمکی ای میل کے ذریعہ دی گئی تھی۔
انسدادِ سبوتاج معائنہ کے بعد پولیس نے کہا کہ کچھ نہیں۔ ایڈیشنل کمشنر پولیس (لا ان آرڈر) شیو ہری مینا نے بتایا کہ بم رکھنے کی دھمکی دیے جانے کے بعد مال کی تلاشی لی گئی، لیکن کوئی قابل اعتراض چیز نہیں پائی گئی۔
ایس معلوم ہوتا ہے کہ یہ جھوٹا ای میل تھا۔ بہرحال مال کے حکام نے ایک بیان مین بتایا کہ تقریباً 1:35 بجے نوئیڈا مال کے عہدیداروں کے ساتھ مل کر تلاشی مہم چلائی گئی۔ اس مال میں موجود کئی افراد کا تخلیہ کرادیا گیا، فلموں کی پیشکشی روک دی گئی، کیوں کہ سیکوریٹی عہدیداروں کی مہم شروع ہوچکی تھی۔
ایک شخص نے ایکس پر بتایا کہ وہ مال میں ایک فلم دیکھ رہا تھا کہ اچانک ناظرین سے نکل جانے کے لیے کہا گیا۔ نوئیڈا ڈی ایل ایف مال کا مکمل طور پر تخلیہ کرادیا گیا۔ عہدیداروں نے اسے تمثیلی مشق قرار دیا تھا۔
بعد ازاں اے سی پی مینا نے بتایا کہ آنے والے تہواروں کے موسم کے پیش نظر گوتم بدھ کے مختلف مقامات پر واقع مالس اور پرہجوم مقامات کی مسلسل تلاشی لی جارہی ہے۔ انھوں نے کہا کہ آ ج ای میل سے اطلاع موصول ہونے پر مال میں جامع سیکوریٹی ٹسٹ کیے گئے۔ کوئی قابل اعتراض چیز نہیں ملی۔ جائے واقعہ پر تمام سینئر عہدیدار موجود تھے۔