’ایک ملک ایک انتخاب’ آئینی ترمیم کا موضوع: کمل ناتھ
مسٹر کمل ناتھ نے یہاں صحافیوں سے بات چیت کے دوران کہا کہ یہ آئینی ترمیم کا موضوع ہے۔ اسے صرف لوک سبھا اور راجیہ سبھا میں پاس ہونا کافی نہیں ہے، اس میں ریاستوں کی اجازت بھی ضروری ہوگی۔
نیمچ: ملک میں ’ایک ملک ایک انتخاب‘کی قیاس آرائیوں کے درمیان کانگریس کے سینئر لیڈر اور مدھیہ پردیش کے سابق وزیر اعلی کمل ناتھ نے آج کہا کہ یہ آئینی ترمیم کا موضوع ہے اوراس میں ریاستوں کی اجازت بھی ضروری ہوگی۔
مسٹر کمل ناتھ نے یہاں صحافیوں سے بات چیت کے دوران کہا کہ یہ آئینی ترمیم کا موضوع ہے۔ اسے صرف لوک سبھا اور راجیہ سبھا میں پاس ہونا کافی نہیں ہے، اس میں ریاستوں کی اجازت بھی ضروری ہوگی۔
آنے والے اسمبلی انتخابات کے تناظر میں مسٹر کمل ناتھ نے کہا کہ کانگریس کی پہلی فہرست جلد ہی جاری کی جائے گی، لیکن پارٹی کو جو بھی اشارہ دینا تھا وہ کر دیا گیا ہے۔
مدھیہ پردیش حکومت کی طرف سے ساون میں خواتین کو 450 روپے میں گیس سلنڈر دینے پر انہوں نے کہا کہ کانگریس نے 500 روپے میں سلنڈر دینے کی بات کی تھی۔ساتھ ہی انہوں نے یہ بھی کہا کہ بی جے پی نے ان کے (مسٹر کمل ناتھ کے) مطالبے پر کچھ تو کارروائی کی۔
انہوں نے دعویٰ کیا کہ بی جے پی کے کئی رہنما ان کے رابطے میں ہیں۔ کانگریس کی مقامی تنظیم اگر راضی ہوگی، تب ہی بی جے پی کے لوگوں کو کانگریس میں داخلہ دیا جائے گا۔
انہوں نے نیمچ میں کم بارش سے کسانوں کو ہونے والے نقصان کے مسئلہ پر الزام لگایا کہ ریاستی حکومت اس پر بالکل توجہ نہیں دے رہی ہے۔ انہوں نے حکومت سے مطالبہ کیا کہ کسانوں کو جلد از جلد معاوضہ دیا جائے۔
