پٹھان نے مچایا دھمال، 300 اسکرین بڑھائے گئے

نئی دہلی: تنازعہ میں گھری بالی ووڈ انڈسٹری کے سوپر اسٹار اداکار شاہ رخ خان اور دیپیکا پادوکون کی بہت زیادہ انتظار والی فلم ’پٹھان‘سنیما گھروں میں ریلیزہو چکی ہے اورفلم شائقین کو کافی پسند آرہی ہے۔

فلم پٹھان کا پہلا شو دیکھنے کے بعدشائقین کو یہ فلم کافی پسند آئی ہے اور ان کا کہنا ہے کہ ’پٹھان‘باکس آفس پردھمال مچائے گی اور فلم پٹھان کے پہلے شوکے بعداگزیبیٹرس کو 300اسکرین بڑھانی پڑی جو کہ غیر معمولی قدم ہے۔

اس طرح سے اب دنیا بھر میں 8000 اسکرینوں پر شاہ رخ خان کی فلم ’پٹھان‘ دکھائی جا رہی ہے۔

فلم پٹھان ہندی،تمل اور تیلگو فارمیٹس کو ملاکر اب دنیا بھر میں کل 8000اسکرین پر ریلیز ہوئی ہے۔

اس میں 5,500گھریلواسکرین اور 2,500 بیرون ممالک اسکرین شامل ہیں۔

یہ ہندوستانی سنیماکی تاریخ میں کسی ہندی فلم کی اب تک کی سب سے بڑی ریلیزہے۔

فلم’پٹھان‘آدتیہ چوپڑا کے بلند نظر جاسوس برہمانڈ کا ایک حصہ ہے اور اس میں سپر اسٹار شاہ رخ خان،دیپکا پادوکون اور جان ابراہم اہم کردار ادا کر رہے ہیں۔