حیدرآباد میں بارش۔ کھلے مین ہول میں گرنے سے چار سالہ لڑکی کی موت
حیدرآباد: سکندرآباد میں موسلادھار بارش کی وجہ سے ایک چارسالہ بچی کالاسی گوڈا کے کھلے مین ہول میں لڑکی گرگئی جس کے نتیجہ میں اس کی موت ہوگئی۔
حیدرآباد: سکندرآباد میں موسلادھار بارش کی وجہ سے ایک چارسالہ بچی کالاسی گوڈا کے کھلے مین ہول میں لڑکی گرگئی جس کے نتیجہ میں اس کی موت ہوگئی۔
یہ لڑکی دودھ کی پیکٹ لینے کیلئے گھر سے نکلی تھی تاہم وہ اچانک مین ہول میں گرپڑی اور بہہ گئی۔
مقامی افرادنے فوری طور پر پولیس کو اطلاع دی جس کے بعد پولیس موقع پر پہنچی۔
بلدیہ کے اہلکاروں کی مدد سے لڑکی کی لاش کو نکالنے میں کامیابی حاصل کرلی گئی۔
اس کی لاش پوسٹ مارٹم کیلئے گاندھی اسپتال منتقل کردی گئی۔
شہر حیدرآباد میں ہفتہ کی صبح کی اولین ساعتوں میں شدید بارش ہوئی۔ شہر کے کئی علاقوں میں گرج چمک اور تیز ہواؤں کے ساتھ بارش ہوئی۔
حمایت نگر، نارائن گوڑہ، کے پی ایچ بی کالونی، سعیدآباد، ملک پیٹ، کاروان، شیخ پیٹ،رائے درگم،کاپرا، چرلہ پلی، ای سی آئی ایل، قطب اللہ پور، جگت گیر گٹہ، سورارام، امین پور، سچترا، بالا نگر،،ماریڈ پلی، ناچارم، ملاپور اور ملکاجگری سوماجی گوڈا، پنجہ گٹہ اور امیرپیٹ میں شدید بارش کی وجہ سے سڑکوں پر پانی جمع ہوگیا۔
پرانے شہر کے بھی کئی علاقوں میں بارش ہوئی۔
ریاست بھر میں بارش کے پیش نظر محکمہ موسمیات نے حیدرآباد سمیت کئی اضلاع کے لیے اورنج الرٹ جاری کیا ہے۔
