حیدرآباد کے مختلف علاقوں میں بارش، موسم خوشگوار

حیدرآباد: ریاستی دارالحکومت حیدرآباد کے کئی علاقوں میں جمعرات کی دوپہر زوردار بارش ہوئی، جس کے باعث شہر کا موسم خوشگوار ہوگیا۔ شدید گرمی اور حبس سے پریشان شہریوں کو بڑی راحت ملی۔ واضح رہے کہ ایک ہفتہ قبل بھی بارش ہوئی تھی، جس کے بعد درجہ حرارت میں خاصا اضافہ ہو گیا تھا۔ تاہم آج کے دن سورج کی تپش میں کمی دیکھی گئی۔

بارش خاص طور پر میاں پور، مدینہ گوڑہ، چندانگر، لنگم پلی، کونڈاپور، گچی باولی، مادھا پور، کوکٹ پلی، میڑچل، دندگل، گنڈی میسمہ، بہادر پلی اور گگلا پور جیسے علاقوں میں ہوئی۔

شدید بارش کے باعث کئی مقامات پر ٹریفک میں خلل پڑا اور مقامی افراد کو آمد و رفت میں مشکلات پیش آئیں۔ کچھ علاقوں میں بجلی کی فراہمی بھی متاثر ہوئی ہے، جبکہ متعلقہ حکام مرمت اور امدادی کاموں میں مصروف ہیں۔