رمضان اور حج سیزن، سعودی عرب کی ’اجیر‘ کیلیے اہم سہولت

ریاض: وزارت سیاحت کا کہنا ہے کہ اجیر پلیٹ فارم رمضان اور حج سیزن کے لیے عارضی ملازمت کے لیے سہولت فراہم کرے گا۔

سیاحت کی وزارت نے تصدیق کی ہے کہ سیاحت کی سہولیات اور سرگرمیاں اجیر پلیٹ فارم کے ذریعے رمضان اور حج کے دوران مانگ کو پورا کرنے کے لیے عارضی کارکنوں سے معاہدہ کرسکتی ہیں جس کی نگرانی وزارت انسانی وسائل اور سماجی ترقی کرتی ہے۔

وزارت نے تمام عارضی یا سیزنل کارکنوں کو خصوصی طور پر اجیر پلیٹ فارم کے ذریعے رجسٹر کرنے کی ضرورت پر زور دیا تاکہ یہ یقینی بنایا جا سکے کہ معاہدوں کو صحیح طریقے سے دستاویزی اور ریگولیٹ کیا گیا ہے۔

یہ پلیٹ فارم مربوط اور لچکدار حل فراہم کرتا ہے جو سیاحتی اداروں کو اس قابل بناتا ہے کہ وہ اپنے عروج کے دوران اور اس کے بعد عارضی عملے کی خدمات حاصل کر سکیں تاکہ تصدیق شدہ اور قانونی معاہدوں کے تحت مقامی طور پر دستیاب پروفیشنلز کے ساتھ سہولیات فراہم کی جاسکیں۔

مہمان نوازی کی سہولیات اور دیگر سیاحتی سرگرمیاں اجیر پر رجسٹر ہوسکتی ہیں، عارضی یا موسمی خالی آسامیوں کا اعلان کرسکتی ہیں، اور زیادہ مانگ والے ادوار کے دوران اضافی افرادی قوت کی ضروریات کو پورا کرنے کے لیے سیاحتی سیزن سروس جیسی خدمات کا استعمال کر سکتی ہیں۔