حلق میں پوری پھنس جانے سے چھٹی جماعت کا طالب علم فوت
بیگم پیٹ انسپکٹر سی ایچ رمیا کے مطابق یہ لڑکا‘ لنچ باکس میں پوریاں لایا تھا اور‘ تین پوریاں ایک ساتھ کھا رہا تھا کہ یہ پوریاں اس کی حلق میں پھنس گئیں جس کے سبب جین کا دم گھٹنے لگا اور وہ فوت ہوگیا۔
حیدرآباد: ایک المناک واقعہ میں آج لنچ کے دوران حلق میں پوری پھنس جانے سے چھٹی جماعت کے ایک طالب علم کی موت واقع ہوگئی۔ شہر سکندرآباد کے ایک خانگی‘ اسکول میں زیر تعلیم چھٹی جماعت کے طالب علم ویرن جین‘ پیر کے روز دوپہر میں لنچ بریک کے دوران اسکول میں لنچ کررہا تھا کہ پوری اس کے حلق میں پھنس گئی اور دم گھٹنے سے اس کی موت ہوگئی۔
وہ لنچ باکس میں پوریاں لایا تھا۔ بیگم پیٹ انسپکٹر سی ایچ رمیا کے مطابق یہ لڑکا‘ لنچ باکس میں پوریاں لایا تھا اور‘ تین پوریاں ایک ساتھ کھا رہا تھا کہ یہ پوریاں اس کی حلق میں پھنس گئیں جس کے سبب جین کا دم گھٹنے لگا اور وہ فوت ہوگیا۔
حلق میں پوریاں پھنسنے کے بعد اسے سانس لینے میں دشواری ہورہی تھی اس کی یہ حالت دیکھ کر اسکولی اسٹاف نے اسے مقامی نرسنگ ہوم لے گئے اور بعد میں جین کو ایک خانگی ہاسپٹل منتقل کیا جہاں ڈاکٹروں نے بعد معائنہ لڑکے کو مردہ قرار دیا۔ پوسٹ مارٹم کے لئے لاش کو گاندھی ہاسپٹل منتقل کردیا گیا۔
