ویڈیو: درگا پوجا پنڈال میں بھگدڑ، 17 افراد ہلاک، متعدد زخمی

کولکتہ: مغربی بنگال کے دارالحکومت کولکتہ میں ہفتہ کے روز درگا پوجا پنڈال میں بھگدڑ جیسی صورتحال پیدا ہوگئی، جس کے نتیجہ میں کم از کم 17 افراد ہلاک اور کئی دیگر زخمی ہوگئے۔ واقعہ شمالی کولکتہ کے چورے باغان درگا پوجا پنڈال میں پیش آیا۔

واقعہ کی اطلاع ملتے ہی چیف منسٹر سوویندو ادھیکاری، وزیر صحت مکھرجی اور دیگر اعلیٰ عہدیدار صورتحال کا جائزہ لینے کے لئے ہاسپٹل پہنچ گئے۔ زخمیوں کو طبی امداد فراہم کی جا رہی ہے۔

سابق چیف منسٹر ممتا بنرجی نے اس واقعہ پر گہرے صدمہ اور افسوس کا اظہار کیا۔ انہوں نے سوشل میڈیا پلیٹ فارم ایکس پر اپنے پیغام میں کہا کہ چورے باغان پوجا پنڈال میں بھگدڑ کے واقعہ کی اطلاع سے انہیں شدید دکھ پہنچا ہے۔ انہوں نے زخمیوں کی جلد صحت یابی کے لئے دعا کی۔

ریاستی حکومت نے متاثرین اور ان کے افراد خاندان کی مدد کے لئے ہیلپ لائن نمبر جاری کیے ہیں۔ شہری 1800-345-5678 اور 033-22141310 پر رابطہ کرسکتے ہیں۔

وزیراعظم کی جانب سے معاوضے کا اعلان

وزیراعظم نے ہلاک ہونے والوں کے افراد خاندان کے لئے فی کس 2 لاکھ روپے کا اعلان کیا ہے۔