تلنگانہ:ضلع جگتیال میں کرانہ دکان میں آگ لگ گئی

حیدرآباد: تلنگانہ کے جگتیال ضلع کے رائیکل پرانے بس اسٹینڈ کے حدود میں ایک کرانہ کی دکان میں آگ لگ گئی۔

مقامی افراد نے اس بات کی اطلاع فائربریگیڈ کے عملہ کو دی جس نے وہاں پہنچ کرآگ پر قابو پایاتاہم فائربریگیڈ کے وہاں پہنچنے تک دکان جل کرمکمل طورپر خاکستر ہوگئی۔

شبہ کیاجارہا ہے کہ شارٹ سرکٹ آگ لگنے کی وجہ ہے۔

اس واقعہ میں کسی جانی نقصان کی کوئی اطلاع نہیں ملی ہے البتہ تقریبا دس لاکھ روپئے کا مالی نقصان ضرور ہوا ہے۔