تلنگانہ: کالا جادو کے شبہ میں ایک شخص کو مبینہ طور پر مارپیٹ کر ہلاک کردیا

حیدرآباد: کالاجادو کے شبہ میں تلنگانہ کے ضلع میدک میں ایک چونکا دینے والے واقعہ میں منگل کی دیر رات گاؤں والوں نے ایک شخص کو مبینہ طور پر مارپیٹ کر ہلاک کردیا۔

یہ واقعہ ضلع کے گولہ گوڑم گاوں میں پیش آیا۔مہلوک کی شناخت راملو کے طور پر کی گئی ہے۔ گاؤں والوں نے اس کو بچانے کی کوشش کرنے والی دوخواتین پر بھی حملہ کیا۔

بعض مقامی افراد دونوں خواتین کو بچانے کے لیے آئے اور انہیں جوگی پیٹ کے سرکاری اسپتال منتقل کیا۔ پولیس نے مقدمہ درج کر کے جانچ شروع کردی۔