وزیراعلی تلنگانہ نے مودی کو تلنگانہ رائزنگ سمٹ میں شرکت کیلئے مدعو کیا

حیدرآباد: تلنگانہ کے وزیر اعلیٰ اے ریونت ریڈی نے آج وزیر اعظم نریندر مودی سے ملاقات کی۔

انہوں نے نائب وزیر اعلیٰ بھٹی وکرامارکا کے ہمراہ پارلیمنٹ کی عمارت میں وزیر اعظم سے ملاقات کی اور انہیں ‘تلنگانہ رائزنگ گلوبل سمٹ’ میں شرکت کے لئے مدعو کیا۔

اس موقع پر ریونت ریڈی نے وزیر اعظم کو عالمی سمٹ کے بارے میں تفصیلات سے آگاہ کیا۔

وزیراعلی نے گزشتہ روز کانگریس کے صدرملکارجن کھرگے سے بھی ملاقات کرتے ہوئے انہیں اس سمٹ میں شرکت کیلئے مدعو کیاتھا۔

واضح رہے کہ یہ سمٹ اس ماہ کی 8 اور 9 تاریخ کو بھارت فیوچر سٹی میں منعقد ہونے والی ہے۔ حکومت یہ پروگرام ‘تلنگانہ، انڈیاز پرائیڈ’ کے نعرے کے تحت منعقد کر رہی ہے۔