چیف منسٹر تلنگانہ کے سی آر کا دورہ مہاراشٹرا

حیدرآباد:بی آرایس سربراہ و وزیراعلی تلنگانہ کے چندرشیکھرراوپیر سے مہاراشٹرکا دوروزہ دورہ کریں گے۔وہ پڑوسی ریاست کے پنڈھارپور اورتلجا پورکی منادرمیں خصوصی پوجا کریں گے۔ بعد ازاں جلسہ سے بھی خطاب کریں گے۔

وزیراعلی تلنگانہ ملک کی سیاست میں معیاری تبدیلی کے عزم کے ساتھ گذشتہ کچھ عرصہ سے اس مغربی ریاست میں بی آرایس کی توسیع کے اقدامات کررہے ہیں۔ اسی کے حصہ کے طورپروہ مہاراشٹرکا دورہ کریں گے۔

ان کے ساتھ کئی وزراء، ارکان اسمبلی، ارکان کونسل ور دیگر عوامی نمائندے ہوں گے۔وزیر اعلیٰ پیر کی صبح 10 بجے حیدرآباد سے بذریعہ کارمہاراشٹر کے لیے روانہ ہوں گے۔ شام کو وہ شولاپور پہنچیں اور رات وہیں قیام کریں گے۔