تلنگانہ کانگریس کے صدرمہیش کمار گوڑ نے سرکردہ اداکار کوٹا سرینواس راؤ کی موت پردکھ کا اظہار کیا

حیدرآباد: تلنگانہ کانگریس کے صدر اور ایم ایل سی مہیش کمار گوڑ نے سرکردہ اداکار کوٹا سرینواس راؤ کی موت پر گہرے رنج و غم کا اظہار کیا۔

انہوں نے اپنے تعزیتی پیام میں کہا کہ پدم شری ایوارڈ یافتہ اور تلگو فلمی صنعت کی ممتاز شخصیت کوٹا سرینواس راؤ کی موت کی خبر انتہائی دکھ بھری ہے۔

انہوں نے کہا”یہ سن کر دل ٹوٹ گیا کہ پدم شری کوٹا سرینواس راؤ اب اس دنیا میں نہیں رہے۔ انہوں نے مختلف زبانوں میں 750 سے زائد فلموں میں اداکاری کی اور اپنی بے مثال فنکارانہ صلاحیتوں کے باعث سنیما میں منفرد مقام حاصل کیا۔”

وہ صرف ایک عظیم اداکار ہی نہیں تھے بلکہ عوامی خدمت کے میدان میں بھی ان کی خدمات قابلِ ستائش ہیں۔”
تلگو فلم انڈسٹری کے لیے ان کی موت ایک ناقابلِ تلافی نقصان ہے۔ میں ان کے غمزدہ ارکان خاندان اور مداحوں سے دلی تعزیت کا اظہار کرتا ہوں،”