تلنگانہ انتخابات:دوسری فہرست کی تیاری کیلئے بی جے پی کی مساعی

حیدرآباد: تلنگانہ اسمبلی انتخابات کے سلسلہ میں بی جے پی نے سرگرمی میں شدت پیداکردی ہے۔زعفرانی جماعت جس نے قبل ازیں 52 امیدواروں کے ساتھ پہلی فہرست جاری کی تھی،دوسری فہرست کی تیاری کی مساعی کررہی ہے۔

پہلی فہرست میں متحدہ عادل آباد،کریم نگر اورورنگل کے بیشتر مقامات پر پارٹی نے امیدوار ٹہرائے ہیں۔نظام آباد، میدک، حیدرآباد،رنگاریڈی، محبوب نگر،نلگنڈہ اور کھمم اضلاع میں کئی مقامات پر ہنوز امیدواروں کے ناموں کا اعلان نہیں کیاگیا ہے۔

وزیر اعظم نریندر مودی تلنگانہ میں 5تا10جلسوں میں شرکت کا منصوبہ رکھتے ہیں۔ بی جے پی نے تلنگانہ میں انتخابی مہم کے لیے چار ہیلی کاپٹرس کرایہ پر حاصل کئے ہیں۔

پارٹی کے سرکردہ لیڈران اس ماہ کی 27، 28، 29، 31 تاریخ کو بڑے پیمانہ پر انتخابی مہم چلائیں گے۔مرکزی وزراء قومی لیڈران تلنگانہ کے اضلاع کا دورہ کریں گے۔