تلنگانہ: بعض کسانوں کی بجلی موٹروں کو تباہ کر دیا گیا

حیدرآباد: تلنگانہ کے ضلع ہنمکنڈہ کے اوروگونڈاگاوں میں بعض کسانوں کی بجلی موٹروں کو تباہ کر دیا گیا۔کسان ایس آر ایس پی نہر سے بجلی موٹروں کی مدد سے پانی کھینچ کر مکئی کی فصل کی کاشت کر رہے تھے۔

اسی دوران، نہر کے قریب نصب 16 بجلی موٹروں کو آدھی رات کو مکمل طور پر تباہ کر دیا گیا اور ان میں موجود تانبے کی تاروں کی چوری کرلی گئی۔

بعض موٹروں کو چوروں نے نہر کے پانی میں پھینک دیا۔ کسانوں کا کہنا ہے کہ موٹروں کو اس حد تک نقصان پہنچایا گیا ہے کہ ان کی مرمت ممکن نہیں رہی۔

پولیس کا شبہ ہے کہ یہ شرپسند عناصر کی کارروائی ہے۔

پولیس نے بتایا کہ وہ ڈاگ اسکواڈ اور سی سی ٹی وی کیمروں کی مدد سے ملزمین کو پکڑنے کی کوششیں کر رہے ہیں۔