ایم ایل اے کوٹہ سے تلنگانہ قانون سازکونسل کی دو مخلوعہ نشستوں کے ضمنی انتخابات کا نوٹیفکیشن جاری

حیدرآباد: ایم ایل اے کوٹہ سے تلنگانہ قانون سازکونسل کی دو مخلوعہ نشستوں کے ضمنی انتخابات کا نوٹیفکیشن جاری کردیا گیا ہے۔

اسمبلی کے دفتر سے اس خصوص میں علحدہ علحدہ نوٹیفکیشن جاری کیا گیا ہے جس کے مطابق دونوں نشستوں کے لیے الگ الگ انتخابات ہوں گے۔

اس نوٹیفکیشن میں کہا گیا کہ نامزدگیوں کا عمل جمعرات سے شروع ہوگا۔پرچہ نامزدگیاں اس ماہ کی 18 تاریخ تک قبول کی جائیں گی۔ 19 تاریخ کوپرچہ نامزدگیوں کی جانچ ہوگی اور 22 تاریخ تک دستبرداری کی آخری تاریخ ہوگی۔

پولنگ اس ماہ کی 29 تاریخ کو ہوگی۔ نتائج کا اعلان اسی دن کیا جائے گا۔واضح رہے کہ تلنگانہ کی اصل اپوزیشن جماعت بی آرایس کے ایم ایل سی کڈیم سری ہری اور پی کوشک ریڈی نے اسمبلی انتخابات میں ایم ایل اے کی حیثیت سے کامیابی حاصل کی جس کے ساتھ ہی انہوں نے اپنے ایم ایل سی عہدوں سے استعفیٰ دے دیاتھا۔اسی کے پیش نظر الیکشن کمیشن دو نشستوں پر ضمنی انتخابات کروا رہا ہے۔