تلنگانہ: گنجائش سے زائد مسافرین، آرٹی سی بس کے پہئے نکل گئے: ویڈیو

حیدرآباد: گنجائش سے زائد مسافرین پرآرٹی سی بس کے پہئے نکل گئے۔یہ واقعہ تلنگانہ کے ضلع جگتیال میں پیش آیا۔اس بس میں 170 افراد سوار تھے۔

یہ بس ضلع جگتیال سے روانہ ہوئی تھی کہ موراپلی کے قریب اچانک بس کے دوپہئے نکل گئے تاہم خوش قسمتی سے بس کا کوئی بھی مسافر زخمی نہیں ہواجس پر تمام نے راحت کی سانس لی۔

اس حادثہ کے وقت بس میں زیادہ ترخواتین اوربچے تھے۔اس واقعہ کا ویڈیو سوشیل میڈیا پر وائرل ہوگیا۔

تمام مسافرین کو دوسری بس کے ذریعہ ان کی منزل پر پہنچادیاگیا۔بعد ازاں اس بس کی مرمت کرتے ہوئے اس کو ڈپوبھیج دیاگیا۔