آر ٹی سی بس کو نہ روکنے پر خاتون مسافرین نے احتجاج کیا

حیدرآباد: تلنگانہ آر ٹی سی بس کو نہ روکنے پر خاتون مسافرین نے احتجاج کیا۔یہ واقعہ ضلع جئے شنکربھوپال پلی میں پیش آیا۔

تفصیلات کے مطابق ضلع کے مورچم پلی چوراہے کے قریب آرٹی سی بس کو نہ روکنے پر خواتین کی بڑی تعداد نے برہمی ظاہر کرتے ہوئے احتجاج کیا۔

پرکال۔بھوپال پلی کے قریب کئے گئے اس احتجاج کے نتیجہ میں ٹریفک جام ہوگئی اورگاڑی سواروں کو مشکل صورتحال کاسامنا کرناپڑا۔

انہوں نے مورنچے پلی سے دس دیہاتوں کیلئے بس اسٹاپ قائم کرنے کامطالبہ کیا اور اپنے مطالبہ کی حمایت میں شدید نعرے بازی کی۔

خواتین کے اس اچانک احتجاج کے نتیجہ میں کچھ دیر کیلئے کشیدگی پھیل گئی۔