تلنگانہ: یادگیر گٹہ کی مندر میں بم کی اطلاع سے سنسنی

حیدرآباد: تلنگانہ کی مشہور یادگیرگٹہ مندرمیں بم کی اطلاع سے سنسنی پھیل گئی۔

گذشتہ شب نامعلوم افراد نے فون کرکے دعویٰ کیا کہ مندر میں بم نصب کیا گیا ہے، جس پر مندر کے حکام میں تشویش پیداہوگئی۔فوری طور پر مندر کی سیکوریٹی ٹیم اور مقامی پولیس حرکت میں آگئی۔

انہوں نے بڑے پیمانہ پر تلاشی لی، تاہم کوئی بم برآمد نہیں ہوا۔

اس پر حکام نے راحت کی سانس لی۔ پولیس کا کہنا ہے کہ فون کال کی مکمل جانچ کی جا رہی ہے۔