تلگوفلم اداکارہ دیویا وانی کانگریس میں شامل

حیدرآباد: اداکار۔ سیاست داں دیویا وانی، چہارشنبہ کے روز کانگریس میں شامل ہوگئیں۔ اے آئی سی سی کے جنرل سکریٹری وانچارج تلنگانہ امور مانک راؤ ٹھاکرے نے ٹالی ووڈ اداکارہ کا پارٹی میں خیرمقدم کیا۔

گزشتہ سال تلگودیشم پارٹی سے استعفیٰ دینے کے بعد دیویا وانی، سیاست سے دور تھیں تاہم تلنگانہ اسمبلی الیکشن سے ایک ہفتہ قبل وہ دوبارہ سرگرم ہوگئیں۔

ریاست میں کانگریس اور حکمراں جماعت بی آر ایس کے درمیان سخت مقابلہ ہے۔ وجئے شانتی کی کانگریس میں شمولیت کے چند دنوں بعد دیویاوانی بھی کانگریس پارٹی میں شامل ہوگئیں۔