تلنگانہ کے میڈی گڈ ہ بیریج کے قریب کشیدگی،پولیس نے کانگریس کے ہزاروں کارکن اور لیڈران کو منتشر کردیا

حیدرآباد: تلنگانہ کے میڈی گڈ ہ بیریج کے قریب کشیدگی دیکھی گئی۔ ہزاروں کانگریس کارکن اور لیڈران، میڈی گڈا بیراج ڈیم کے ستونوں کا معائنہ کرنے کے لیے جمع ہوئے جس سے علاقہ میں صورتحال کشیدہ ہوگئی۔

راہل گاندھی کی آمد کے ساتھ ہی لوگ بڑی تعداد میں بیریج کو دیکھنے کے لیے جمع ہوگئے جنہوں نے بیریج کی سمت دوڑنا شروع کردیا۔اس موقع پر صورتحال کو قابو کرنے میں پولیس کو مشکلات کا سامنا کرناپڑا۔

کئی کانگریس کارکنوں اور لیڈروں کی پولیس سے بحث وتکرار بھی ہوئی۔پولیس کا کہنا تھا کہ اس علاقہ میں دفعہ 144 نافذ ہے،کسی کو بیریج کی سمت جانے کی اجازت نہیں ہے۔

پولیس کی بھاری تعداد نے کانگریس کے لیڈروں اور کارکنوں کو منتشر کردیا۔ پولیس کے رویہ پر کانگریس کے کارکنوں اور لیڈروں نے برہمی کااظہار کیا۔

واضح رہے کہ کالیشورم پراجکٹ کا اہم میڈی گڈا (لکشمی) بیریج کا ستون 21 اکتوبر کی شام کو منہدم ہو گیا تھا۔