غسلِ کعبہ کی سالانہ روح پرور تقریب، بیت اللہ شریف کا دروازہ کھول دیا گیا (ویڈیو)

مکہ مکرمہ : مکۃالمکرمہ کے حرم شریف میں کعبۃ اللہ کو غسل دینے کی روح پرور تقریب منعقد ہوئی خانہ کعبہ کو عرقِ گلاب، اودھ، عطر اور آبِ زم زم سے غسل دیا گیا۔

عرب میڈیا کے مطابق ہر سال کی طرح اس برس بھی محرم الحرام کی 15 تاریخ کو خانہئ کعبہ کے اندرونی حصہ کو غسل دیا گیا، کعبہ کی اندرونی دیواروں، فرش اور دروازے کو آب زم زم اور عرق گلاب سے دھویا گیا۔اس بابرکت عمل کے لیے خانہ کعبہ کے کلید بردار نے نماز فجر کے بعد بیت اللہ کا دروازہ کھولا اور پھر حکام اندر داخل ہوئے۔

خانہ کعبہ کی اندرونی دیواروں، فرش اور دروازے کو آب زم زم اور عرق گلاب سے دھویا گیا۔ غسل کے بعد اسے عود، عرق گلاب اور بخور سمیت دیگر خوشبوؤں سے معطر کیا گیا۔

اس روح پرور مناظر کی تصاویر اور ویڈیوز بھی آفیشل سائٹس پر اپ لوڈ کی گئی ہے، غسل کعبہ کے موقع پر بیت اللہ شریف کے گرد سیکوریٹی فورسس نے حفاطتی حصار قائم رکھا۔یاد رہے کہ خانہ کعبہ کو سال میں دو بار آب زم زم میں عرق گلاب ملا کر غسل دیا جاتا ہے، پہلا غسل محرم الحرام اور دوسرا ماہ شعبان میں دیا جاتا ہے۔

خیال رہے کہ ہر سال سنت نبی کریم ؐکی پیروی کرتے ہوئے خانہ کعبہ کی اندرونی دیواروں، فرش، چھت اور دروازے کو غسل دیا جاتا ہے اور عام طور پر یہ15 محرم الحرام کو انجام دیا جاتا ہے۔ اسی طرح غلاف کعبہ بھی اب گزشتہ چند برسوں سے یکم محرم الحرام کو اسلامی سال کے آغاز پر تبدیل کیا جاتا ہے۔