بی جے پی کو سبق ملا۔کرناٹک کے نتائج کا اعادہ تلنگانہ میں ہوگا: مانک راو ٹھاکرے

حیدرآباد: کرناٹک میں کانگریس کی کامیابی پر تلنگانہ کانگریس امور کے انچارج مانک راو ٹھاکرے نے ردعمل ظاہر کرتے ہوئے اس یقین کا اظہار کیا ہے کہ کرناٹک کے بعد کانگریس تلنگانہ میں کامیابی حاصل کرتے ہوئے حکومت بنائے گی۔

انہوں نے میڈیا سے بات کرتے ہوئے کہا کہ تلنگانہ، کرناٹک کی پڑوسی ریاست ہے جہاں پر پارٹی کی کامیابی کے لئے تمام کارکن کام کررہے ہیں۔

کرناٹک کے نتائج کا اعادہ تلنگانہ میں ہوگا۔ کرناٹک میں بی جے پی کو سبق ملا ہے۔

اس سبق کی شروعات کرناٹک سے ہوگئی ہے۔ 2024 کے انتخابات میں بھی کانگریس کامیابی حاصل کرے گی۔

حیدرآباد میں پرینکا گاندھی کے جلسہ سے متعلق ایک سوال کا جواب دیتے ہوئے انہوں نے کہاکہ اس جلسہ کے بعد ریاست بھر میں کانگریس کا ایک ماحول دیکھاگیا ہے۔

پارٹی کے تمام لیڈران متحد ہیں اور کارکن، پارٹی کے لئے کام میں مصروف ہیں۔

پارٹی کی جانب سے جگہ جگہ یاترائیں نکالی جارہی ہیں۔

یہ بہت اچھے اشارے ہیں اورکرناٹک کی کامیابی کے بعد یہ محسوس ہورہا ہے کہ تلنگانہ میں کانگریس پارٹی اکثریت کے ساتھ کامیاب ہوگی۔