کانگریس رکن اسمبلی نے بارش سے پڑے گڑھوں کو پُرکیا

حیدرآباد: کانگریس کی رکن اسمبلی سیتکا نے حالیہ بارش کے بعد سڑکوں پر پڑے گڑھوں کو پُرکیا۔

محبوب آباد ضلع کے نرسم پیٹ تاپاکال اور کوتہ گوڑم تک سڑک پر خطرناک گڑھے پڑگئے جن کو سیتکا نے وہاں پہنچ کر بھرنے کا کام کیا۔

سیتکا کے ساتھ کانگریس کے کارکن بھی موجود تھے۔

سیتکا نے برہمی کا اظہار کرتے ہوئے کہا کہ یہ افسوسناک ہے کہ حکومت دور دراز ایجنسی کے علاقوں میں سڑکوں کی مرمت تک نہیں کر رہی ہے اوراس پر کسی بھی قسم کی توجہ نہیں دی جارہی ہے۔

انہوں نے حکومت سے مطالبہ کیا کہ 2.30 کروڑ روپے کے منظور شدہ فنڈز سے سڑک کی تعمیر کا کام فوری طور پر شروع کیا جائے۔