اسرائیلی فوج نے فلسطینی صحافی شیریں ابو عاقلہ کی یادگار کو بھی تباہ کردیا

جنین: اسرائیلی فوج نے فلسطینی صحافی شیریں ابو عاقلہ کی یادگار کو تباہ کردیا ، فلسطینی صحافی شیرین کو اسرائیلی فوج نے گولی مار کر شہید کر دیا تھا۔ تفصیلات کے مطابق جنین میں اسرائیلی فوج نے فلسطینی صحافی شیریں ابو عاقلہ کی یادگار کو تباہ کردیا ، اسرائیلی فوج کے بلڈوز نے فلسطینی صحافی کے جنین پناہ گزین کیمپ میں یادگار کو تباہ کیا۔

فلسطینی صحافی شیریں کو11 مئی 2002کواسرائیلی فوج نےگولی مارکرشہیدکردیاتھا اور صحافی کو قتل کرنے والے اسرائیلی فوجیوں کو سزا دینے سے انکار کردیا تھا۔ یاد رہے فلسطین کے اٹارنی جنرل نے الجزیرہ کی مقتول صحافی شیریں ابو عاقلہ کے بارے میں فلسطینی اتھارٹی کی تحقیقاتی رپورٹ پیش کی تھی۔

جس میں کہا گیا تھا کہ تحقیقات سے پتہ چلا ہے کہ الجزیرہ کی مقتول صحافی ابو عاقلہ کو اسرائیلی فورسز نے جان بوجھ کر گولی ماری تھی۔ الجزیرہ میڈیا نیٹ ورک نے 26 مئی کو اعلان کیا تھا کہ اس نے اس معاملے میں انصاف کے لیے ایک قانونی ٹیم تشکیل دی ہے جو دی ہیگ میں بین الاقوامی فوجداری عدالت (آئی سی سی) سے رجوع کرے گی۔