پاک بحریہ نے 14 کروڑ امریکی ڈالر مالیت کی منشیات کی بھاری کھیپ ضبط کی

اسلام آباد: پاک بحریہ نے کامیابی کے ساتھ بھاری مقدار میں منشیات قبضے میں لے لی ہے جس میں نشہ آور گولیوں کی ایک بڑی کھیپ بھی شامل ہے۔ فوج نے ایک بیان میں یہ جانکاری دی۔

پاک فوج کے شعبہ تعلقات عامہ (آئی ایس پی آر) کے مطابق آپریشن کے دوران 2 ہزار کلوگرام چرس، 370 کلوگرام آئس اور 50 کلوگرام ہیروئن ضبط کی گئی۔

آئی ایس پی آر کے مطابق بین الاقوامی مارکیٹ میں برآمد شدہ منشیات کی مالیت 14 کروڑ 50 لاکھ امریکی ڈالر ہے۔ فوج نے کہا کہ منشیات کے علاوہ، غیر قانونی گولیوں کا ایک بڑا ذخیرہ بھی پکڑا گیا۔

ضبط کی گئی منشیات کو اینٹی نارکوٹکس فورس کے حوالےکردیا گیا ہے۔

آئی ایس پی آر کے مطابق پاک بحریہ خطےکی سمندری حدود میں غیرقانونی سرگرمیوں کی روک تھام کے لیے ہمہ وقت سرگرم ہے۔

گزشتہ دنوں بھی پاک بحریہ نے شمالی بحیرہ عرب میں کمبائنڈ ٹاسک فورس 150 کے ساتھ انسداد منشیات آپریشن کرتے ہوئے ڈھائی کروڑ ڈالر سے زائد کی منشیات ضبط کی تھیں۔