میدک ضلع میں درجہ حرارت 14ڈگری سلسیس درج

حیدرآباد: محکمہ موسمیات نے کہا ہے کہ تلنگانہ کے اضلاع عادل آباد،آصف آباد،منچریال،نرمل، ورنگل، ہنمکنڈہ،جنگاوں،یادادری بھونگیر،رنگاریڈی،حیدرآباد،میڑچل ملکاجگری،وقارآباد،سنگاریڈی،میدک اور سدی پیٹ میں بعض مقامات پر آئندہ 24گھنٹوں کے دوران شدید کہر ہوگی۔

اپنے بلیٹن میں محکمہ نے کہا کہ ریاست کے کئی مقامات پرآئندہ سات دنوں کے دوران موسم کے خشک رہنے کا امکان ہے۔گذشتہ 24گھنٹوں کے دوران تلنگانہ میں موسم خشک رہا۔منگل اوربدھ کی درمیانی شب میدک ضلع میں اقل ترین درجہ حرارت 14ڈگری سلسیس درج کیاگیا۔