ممتابنرجی گرپڑیں، پیشانی پر شدید زخم، صحتیابی کیلئے ٹی ایم سی کی عوام سے دعاؤں کی اپیل

نئی دہلی: چیف منسٹر مغربی بنگال ممتابنرجی کی پیشانی شدید زخمی ہوگئی۔ پارٹی نے ایکس پر یہ اطلاع دی۔ آل انڈیا ترنمول کانگریس نے ممتابنرجی کی تصاویر جاری کی ہیں جن میں انہیں ہاسپٹل کے بستر پر لیٹا ہوا دیکھاجاسکتاہے۔

ان کی پیشانی کے بیچ گہرا زخم اور چہرے پر خون دیکھاجاسکتا ہے۔ ذرائع نے بتایا کہ چیف منسٹر نے اپنے گھر میں گرپڑی تھیں اور انہیں کولکتہ کے ایس ایس کے ایم ہاسپٹل لے جایاگیاہے‘فی الحال زخمی پر ٹانکے لگادیئے گئے ہیں۔

پارٹی نے ایکس پر اپنے پوسٹ میں کہاکہ ہماری چیرپرسن ممتابنرجی شدید زخمی ہوگئی ہیں۔برائے مہر بانی انہیں اپنی دعاؤں میں شامل رکھیں۔

ترنمول کانگریس کے ریاستی صدر سکنتامجمدار نے ایکس پر اپنے ایک پوسٹ میں کہاکہ چیف منسٹر ممتابنرجی کی جلد صحتیابی کی تمنا ظاہر کرتاہوں۔ ان کی ان اچھی صحت کے بحالی کے لیے ہماری دعائیں ان کے ساتھ ہیں۔

نائب صدر جمہوریہ ہند جگدیپ دھنکر نے سخت تشویش کااظہار کرتے ہوئے چیف منسٹر کی صحت کے بارے میں دریافت کیا اور ان کی جلد صحتیابی کی تمنا ظاہر کی۔

ایک ویڈیو میں دیکھا جاسکتا ہے کہ چیف منسٹر کو وہیل چیر پر ہاسپٹل کے نیورو سائسنس ڈپارٹمنٹ لے جارہاہے اور ان کے ماتھے پر پٹی بندھی ہوئی ہے۔