خزانہ کی تلاش، مندروں میں کھدائی، مقدمہ درج

حیدرآباد: خفیہ خزانہ کی تلاش میں تلنگانہ کے ورنگل ضلع میں دو مندروں میں نامعلوم افراد نے کھدائی کردی۔

یہ واقعہ ضلع کے تیگاراجو پلی میں پیش آیا جہاں ایک مندر میں نامعلوم افراد نے جے سی بی کے ذریعہ 10 فٹ تک کھدائی کردی۔

اس کھدائی میں ان کو کچھ بھی ہاتھ نہیں لگا۔ اس واقعہ کی اطلاع کے ساتھ گاؤں والوں کی بڑی تعداد وہاں پہنچ گئی جنہوں نے اس سلسلہ میں مقامی پولیس اسٹیشن میں شکایت درج کرائی۔

پولیس نے ایک مقدمہ درج کرکے سی سی ٹی وی فوٹیج کی بنیاد پر ملزمین کی تلاش کا کام شروع کردیا ہے۔