سعودی عرب، سنگاپور میں زیر زمین پیٹرول ذخیرہ کرنے کا منصوبہ بنا رہا ہے

سنگاپور :   سعودی عرب، ایشیا میں توانائی کی فراہمی کے تحفظ کے زیرِمقصد 2027 کی دوسری ششماہی سے سنگاپور کے جورونگ راک غاروں میں خام تیل ذخیرہ کرنے کا منصوبہ رکھتا ہے۔

دی اسٹریٹس ٹائمز میں شائع رپورٹ کے مطابق، سنگاپور کے وزیر توانائی و صنعت تان سی لینگ نے مرینا بے سینڈز میں منعقدہ ‘سنگاپور انٹرنیشنل انرجی ویک’ کانفرنس کے افتتاحی خطاب میں اس موضوع پر بات کی۔

وزیر تان نے کہا کہ سعودی عرب اور سنگاپور 2027 کی دوسری ششماہی سے سعودی خام تیل کو جورونگ راک غاروں میں ذخیرہ کرنے کے لیے ایک منصوبے پر کام کرنے کا ارادہ رکھتے ہیں۔

تان نے 26 اکتوبر کو دستخط ہونے والے ایک توانائی معاہدے کی طرف اشارہ کیا اور بتایا کہ یہ معاہدہ سعودی خام تیل کو ملک میں ایک تنصیب میں ذخیرہ کرنے کا موقع دے گا۔

عالمی توانائی منڈی میں رسد کے مسائل کی طرف اشارہ کرتے ہوئے، تان نے کہا کہ آبنائےہرمز کے بند ہونے سے عالمی توانائی کی رسد متاثر ہوئی ہے اور سعودی عرب پر حالیہ حملوں کی بنا پر صورتحال مزید بگڑ سکتی ہے۔

جورونگ جزیرے کی 150 میٹر گہرائی میں اس تنصیب کی مجموعی ذخیرہ گنجائش 1.47 ملین مکعب میٹر ہو گی۔