یوروپ

ترکیہ زلزلہ: 11 روز بعد ایک شخص کو ملبے سے زندہ نکال لیا گیا

فون کال کی ویڈیو سوشل میڈیا پر وائرل ہورہی ہے، ویڈیو کو دیکھنے والے سوشل میڈیا صارفین بھی آبدیدہ ہوگئے، کئی صارفین نے کمنٹ سیکشن میں مصطفیٰ آویسی کے لیے دعا کی۔

انقرہ: ترکیہ میں آنے والے بدترین زلزلے میں 260 گھنٹے ملبے تلے دبے مصطفیٰ اوجی کو زندہ نکالنے کے بعد اپنے گھروالوں کو فون کال کی اور خیریت دریافت کی۔

متعلقہ خبریں
غزہ نسل کشی پر جشن منانے والا اسرائیلی فٹبالر گرفتار
ترکیہ نے 15 لاکھ بے گھر افراد کیلئے دوبارہ تعمیر شروع کر دی
ترکیہ میں ملبے تلے دبے افراد کو بچانے کی کوششیں ختم
استنبول میں ایک اور زلزلہ کا امکان: ماہرین
ترکیہ اور شام زلزلے میں اموات کی تعداد 41 ہزار ہوگئی

مصطفیٰ آویسی نے ہسپتال سے فون کے ذریعے اپنی خیریت کے حوالے سے اپنے بھائی کو فون کال کی۔

فون کال کی ویڈیو سوشل میڈیا پر وائرل ہورہی ہے، ویڈیو کو دیکھنے والے سوشل میڈیا صارفین بھی آبدیدہ ہوگئے، کئی صارفین نے کمنٹ سیکشن میں مصطفیٰ اوجی کے لیے دعا کی۔

مصطفیٰ کا کہنا تھا کہ ’میں نے سوچا کہ زلزلے میں میری فیملی مر چکی ہیں. ملبے سے باہر نکلنے کے لیے میری امید دم توڑ گئی تھی‘۔مصطفیٰ اوجی نےہسپتال میں اپنی نومولود بچی اور اہلیہ سے ملاقات بھی کی۔مصطفیٰ اوجی اُن زندہ بچ جانے والوں میں سے ایک ہے جنہیں ترکیہ اور شام میں زلزلے کے 10 دن بعد امدادی کارکنوں کی جانب سے ملبے تلے نکالنے کا سلسلہ جاری ہے، مصطفیٰ اوجی کے علاوہ 17 سالہ لڑکی اور 74 سالہ خاتون بھی شامل ہیں۔

اس سے قبل ریسکیو اہلکاروں کی جانب سے ترکیہ کے شہر قہرامان ماراش میں واقع اپارٹمنٹ کے ملبے سے 10 روز بعد 248 گھنٹے تک ملبے کے نیچے پھنسی ہوئی 17 سالہ لڑکی کو زندہ نکالا تھا۔اس کے علاوہ ترکیہ کے صوبہ ہاتائے میں 45 سالہ ہاکان یاسینوگلو کو امدادی کارکنوں نے 278 گھنٹے بعد ملبے سے زندہ نکالا تھا۔

واضح رہے کہ شام اور ترکیہ میں زلزلے سے ہلاکتوں کی تعداد 45 ہزار سے تجاوز کر گئی ہے، حکام کو خدشہ ہے کہ ابھی تک ہزاروں متاثرین ابھی بھی ملبے تلے دبے ہوئے ہیں۔

زلزلے کے بعد تباہی کے مناظر سے پوری دنیا کو ہلا کررکھ دیا وہیں متاثرین اپنے پیاروں کی تلاش کے لیے امید لگائے بیٹھے ہیں کہ کسی نہ کسی لمحے ان کے پیارے ملبے تلے زندہ ہوں گے تو دوسری جانب وقت گزرنے کے ساتھ زندگی کی امید دھیمی پڑتی جا رہی ہے۔