ٹرمپ کی قیادت میں اب اسرائیل کا امریکہ سے بہتر کوئی دوست نہیں: نیتن یاہو

تل ابیب: اسرائیلی وزیراعظم نیتن یاہو کا کہنا ہے کہ صدر ٹرمپ وائٹ ہاؤس میں اسرائیل کے سب سے بڑے دوست ہیں۔

وزیر اعظم نیتن یاہو نے امریکی میڈیا کو انٹرویو دیتے ہوئے کہا کہ ٹرمپ اسرائیل اور امریکہ کے اتحاد کو مزید مضبوط بنا رہےہیں، ٹرمپ کی قیادت میں اب اسرائیل کا امریکہ سے بہتر کوئی دوست نہیں۔

نیتن یاہو کا کہنا تھا کہ ایران کو کبھی بھی جوہری ہتھیار رکھنے کی اجازت نہ دینے پر ٹرمپ اور ہم متفق ہیں۔
اس کے علاوہ اسرائیلی وزیر اعظم نیتن یاہو نے کہا کہ ہمیں حماس کی باقیات کو بھی ختم کرنا ہوگا، صدر ٹرمپ کے ساتھ مل کر ہم تاریخ بدل سکتے ہیں۔

اسرائیلی وزیراعظم کا کہنا تھا کہ ٹرمپ کے ساتھ مل کر ہم مزید امن معاہدے اور ایک وسیع تر اور دیرپا امن حاصل کر سکتے ہیں۔