امین پیر درگاہ کا عرس، وزیراعلی چندرابابونائیڈو مدعو

حیدرآباد: اے پی کے ضلع کڑپہ میں امین پیر درگاہ کے متولی حضرت کے ایس ایس عارف اللہ حسینی نے آندھرا پردیش کے وزیر اعلیٰ چندرابابو نائیڈو سے ملاقات کر کے انہیں درگاہ کے عرس میں شرکت کی دعوت دی۔

انہوں نے بتایا کہ قومی سطح پر مشہور یہ عرس آئندہ ماہ کی 5 تاریخ سے 10 تاریخ تک منعقد ہونے والا ہے۔انہوں نے وزیر اعلیٰ کو عرس تقاریب میں شرکت کیلئے مدعو کیا۔

ملاقات کے دوران وزیر اعلیٰ چندرابابو نائیڈو نے عرس کی تیاریوں کے بارے میں تفصیلی معلومات حاصل کیں اور انتظامات میں بھرپور تعاون فراہم کرنے کے لئے متعلقہ حکام کو ہدایات دیں۔

وزیر اعلیٰ سے ملاقات کرنے والوں میں امین پیر درگاہ کے منیجر محمد علی خان، باقی اللہ خان سمیت دیگر عہدیدار شامل تھے۔