ویراٹ کوہلی ون ڈے بیٹنگ رینکنگ میں چوتھے نمبر پر پہنچ گئے

دبئی: ہندوستان کے اسٹار بلے باز ویراٹ کوہلی رانچی میں جنوبی افریقہ کے خلاف میچ میں شاندار سنچری جڑنے کے بعد آئی سی سی رینکینگ میں چوتھے نمبر پر پہنچ گئے ہیں۔

آئی سی سی کے مطابق، کوہلی نے پہلے ون ڈے میں 120 گیندوں پر 135 رنز بنا کر اپنی رینکنگ میں بہتری کی اور 751 پوائنٹس حاصل کیے، جو ٹاپ رینک والے روہت شرما سے صرف 32 پوائنٹس کم ہیں۔

 37 سالہ کوہلی نے اپنے ٹیم ساتھی شبھمن گل کو پیچھے چھوڑتے ہوئے نمبر 1 رینکنگ کی جانب اپنی کوشش جاری رکھی ہے، جو انہوں نے آخری بار اپریل 2021 میں حاصل کی تھی۔اس سے قبل انہیں پاکستان کے بابر اعظم نے پیچھے چھوڑ دیا تھا۔

 روہت نے نیوزی لینڈ کے دوسرے نمبر کے ڈیرل مچل اور تیسرے نمبر کے افغانستان کے ابراہیم زدران پر اپنی برتری قائم کر لی ہے۔

بولنگ میں بھی ہندوستان کا دم دکھائی دیا، کیونکہ لیفٹ آرم اسپنر کلدیپ یادو ایک نمبر ترقی کر چھٹے نمبر پر پہنچ گئے۔۔ٹی20 میں، پاکستان کےصائم ایوب نے سری لنکا کے خلاف ٹرائی سیریز فائنل میں شاندار آل راؤنڈ پرفارمنس کے بعد آل راؤنڈرز کی نمبر 1 رینک دوبارہ حاصل کر لی۔ پاکستان کے ابرار احمد اور محمد نواز نے بھی ٹی20 بولنگ رینکنگ میں اہم اضافہ کیا۔

سری لنکا کے کمیل مشارا نے ٹرائی سیریز میں 169 رنز بنانے کے بعد ٹی20 بیٹنگ رینک میں سب سے بڑی چھلانگ لگائی اور ٹاپ 100 سے اٹھ کر 18ویں نمبر پر پہنچ گئے۔

بنگلہ دیش کے پرویز حسین ایمن، توحید ہردوئے اور مستفیض الرحمن نے بھی اپنی سیریز جیت کے بعد رینک میں بہتری دکھائی۔ جنوبی افریقہ نے ہندوستان پر 2-0 سے سیریز جیتنے کے بعد ٹیسٹ رینکنگ اپ ڈیٹ میں بھی اپنی پوزیشن مضبوط کی۔