دنیا بھر میں مائیکرو سافٹ کے سرورز کیوں بند ہوگئے، جانئے عارضی حل کیا ہے؟

نئی دہلی: امریکہ کی ملٹی نیشنل کارپوریشن اور ٹیکنالوجی کمپنی مائیکروسافٹ کی جمعہ کو کلاؤڈ سروسز میں خرابی پیدا ہوگئی جس کی وجہ سے اس کے سرورز ڈاؤن ہو گئے۔

رپورٹ کے مطابق ایسا اینٹی وائرس ‘کراؤڈ اسٹرائیک’ کی اپ ڈیٹ کی وجہ سے ہوا۔ CrowdSrike ایک سائبر سیکیورٹی پلیٹ فارم ہے، جو صارفین کو سیکیورٹی کے حل فراہم کرتا ہے۔

مائیکروسافٹ کے بند ہونے کی وجہ سے امریکہ اور ہندوستان سمیت دنیا بھر میں ایئر لائنز، ٹی وی ٹیلی کاسٹ، بینکنگ اور کئی کارپوریٹ کمپنیوں کا کام متاثر ہوا۔ دریں اثنا، CrowdStrike نے اپنے صارفین کیلئے ایک نوٹ میں ایک حل بیان کیا ہے۔

دراصل، CrowdStrike ‘Falcon Sensor’ کے اپ ڈیٹ کی وجہ سے مائیکرو سافٹ میں بڑے پیمانے پر سرور ڈاؤن ہوا تھا۔ بلیو سکرین آف ڈیتھ (BSOD) سسٹم کریش ہونے کی وجہ سے آ رہی تھی۔ اب CrowdStrike کے سی ای او نے کہا ہے کہ اس معاملہ کو الگ تھلگ کر دیا گیا ہے۔ مسئلہ کے خاتمہ کیلئے تیزی سے کام کیا جا رہا ہے۔

CrowdStrike کے سی ای او جارج کرٹز نے سوشل میڈیا پلیٹ فارم پر ایک پوسٹ میں کہا کہ لینکس پر مبنی نظام متاثر نہیں ہوئے ہیں۔ جارج کرٹز نے کہا، "ہم اپنے صارفین کو تازہ ترین اپ ڈیٹس کے لیے سپورٹ پورٹل پر بھیج رہے ہیں۔ ہم اپنی ویب سائٹ پر اس مسئلے کے حوالے سے اپ ڈیٹ فراہم کرتے رہیں گے۔”

CrowdStrike کے CEO نے مزید کہا، "ہم کمپنیوں اور تنظیموں کو مشورہ دیتے ہیں کہ وہ CrowdStrike کے نمائندوں کے ساتھ سرکاری چینلز کے ذریعہ بات چیت کریں۔ ہماری ٹیم CrowdStrike کے صارفین کی سلامتی اور استحکام کو یقینی بنانے کیلئے پوری طرح تیار ہے۔”

مائیکرو سافٹ کا سرور ڈاؤن ہونے سے دنیا بھر کے ہوائی اڈوں پر افراتفری مچ گئی، پروازیں منسوخ اور مسافر پریشان ہو گئے ۔ اپنی ایڈوائزری میں، انڈین کمپیوٹر ایمرجنسی رسپانس ٹیم (CERT-In) نے CrowdStrike Windows 10 BSOD کے مسئلہ کو حل کرنے کے لیے 4 عارضی حل بھی تجویز کئے ہیں:-

1۔   ونڈوز کو سیف موڈ یا WRE میں بوٹ کریں۔

2۔  C:\Windows\System32\drivers\CrowdStrike پر جائیں

3۔  3. "C-00000291*.sys” سے مماثل فائل تلاش کریں اور حذف کریں۔

4۔   عام طریقے سے بوٹ (اسٹارٹ) کریں۔

توقع ہے کہ اس عارضی حل کے بعد، CrowdStrike اور Microsoft جلد ہی ایک مناسب فکس (حل) جاری کریں گے۔

سرور ڈاؤن کے بارے میں مائیکروسافٹ نے کہا، "ہم اس مسئلے سے آگاہ ہیں۔ ہم نے اسے حل کرنے کے لیے کئی ٹیمیں تعینات کی ہیں۔ ہم نے اس کی وجہ کا تعین کر لیا ہے۔ اس سے صرف وہ صارفین متاثر ہوئے ہیں جو Microsoft Azure استعمال کرتے ہیں۔”

Walmart, Coca-Cola, HP Microsoft Azure کے صارفین ہیں۔ اس کے علاوہ توانائی کمپنی شیوران، صنعتی کمپنی سیمنز، ہیلتھ کمپنی ایڈونٹ ہیلتھ، چلڈرن مرسی، امریکی خلائی ایجنسی ناسا، میڈیا کمپنی دی ویدر چینل، برطانوی ویڈیو چینل اسکائی نیوز اس کے صارفین ہیں۔

سرور ڈاؤن سے کون سے ممالک سب سے زیادہ متاثر ہوئے؟

مائیکروسافٹ کے سرور ڈاؤن کا زیادہ اثر امریکہ، برطانیہ، سنگاپور، فرانس، آسٹریلیا، نیوزی لینڈ، بیلجیم، کینیڈا میں ہوا ہے۔

سرور ڈاؤن ہونے کی وجہ سے کیا مسائل پیش آئے؟

مائیکرو سافٹ کے سرور کے ڈاؤن ہونے کی وجہ سے لوگوں کو کچھ بروکریج ہاؤسز بشمول نواما، 5 پیسہ اور آئی آئی ایف ایل سیکیورٹیز کی خدمات متاثر ہونے سے مشکلات کا سامنا کرنا پڑا۔ لوگ نہ حصص خرید سکتے تھے اور نہ بیچ سکتے تھے۔

 اس کا اثر ہوا بازی کے شعبے میں بھی دیکھا گیا۔ دہلی ہوائی اڈے پر مسافروں کو ہاتھ سے لکھے ہوئے بورڈنگ پاس دیے گئے۔ اسکائی نیوز کی کارروائیاں برطانیہ میں رک گئیں۔ بینکنگ سیکٹر کا کام نہیں ہو سکا۔ لین دین ناکام ہو رہا تھا۔