سرما کی دستک۔ تلنگانہ میں موسم کی تبدیلی شروع

حیدرآباد: تلنگانہ میں موسم کی تبدیلی شروع ہوچکی ہے کیونکہ موسم سرما نے دستک دینی شروع کردی ہے۔

حالیہ چند دن قبل موسمی قہر کا کئی افراد کو سامنا کرناپڑا تھا کیونکہ شدید بارش کی وجہ سے تلنگانہ اور اس کے دارالحکومت حیدرآباد میں تباہی ہوئی تھی تاہم اب موسم میں بتدریج تبدیلی دیکھی جارہی ہے۔

ایک طرف دن کے درجہ حرارت میں آہستہ آہستہ اضافہ دیکھا جارہا ہے تو دوسری طرف رات کے درجہ حرارت میں کمی درج کی گئی ہے۔

بعض اضلاع میں رات کے درجہ حرارت میں بتدریج گراوٹ درج کی گئی ہے۔ سنگاریڈی، وقارآباد اور آصف آباد اضلاع میں درجہ حرارت 16 ڈگری تک پہنچ گیا۔

حیدرآباد کے موسمیاتی مرکز نے انکشاف کیا ہے کہ آنے والے تین دنوں کے دوران کم سے کم درجہ حرارت 17 تا 22 ڈگری کے درمیان ریکارڈ کیا جائے گا اور دن کے دوران زیادہ سے زیادہ درجہ حرارت 30 تا 33 ڈگری کے درمیان ریکارڈ کیا جائے گا۔