وٹے پلی میں روڈی شیٹر کے حملہ میں یوٹیوبر زخمی

حیدرآباد:ایک روڈی شیٹر نے شہر حیدرآباد میں ایک یوٹیوبرپرحملہ کرتے ہوئے اس کو زخمی کردیا۔ یہ واردات منگل کی رات میلاردیوپلی میں پیش آئی۔وٹے پلی علاقہ کے رہنے والے مبین مرزا، محمودہ ہوٹل کے قریب ٹہرے ہوئے تھے کہ روڈی شیٹرسہیل اور اس کے ساتھیوں نے چاقو سے ان پر حملہ کردیا۔

 زخمی شخص کو عثمانیہ جنرل اسپتال منتقل کیا گیا جہاں مرہم پٹی کی گئی۔اس واقعہ کی اطلاع پر میلاردیوپلی پولیس موقع پر پہنچ گئی جس نے جانچ شروع کردی۔ پولیس نے ایک مقدمہ درج کر لیا۔